अखिल नेपाल लेखक सङ्घको प्रेस विज्ञप्ति २०६९-०३-१६

अखिल नेपाल लेखक सङ्घको  प्रेस विज्ञप्ति   २०६९-०३-१६ 

 प्रेस विज्ञप्ति

नेपाल कम्युनिस्ट आन्दोलनको अग्रदस्ता र नेपाली जनताको क्रान्ति र मुक्तिको अगुवा एकीकृत नेपाल कम्युनिस्ट पार्टी (माओवादी ) मा भिन्न विचार समूहका नाममा अराजक गतिविधि गरिरहेको क. किरणकले नेतृत्व गर्नु भएको विचार समूहले अन्ततः पार्टीबाट चोइटिएर कथित नयाँ पार्टीका नाममा नेकपा— माआवादीको गठन गरेको छ । क. किरणद्वारा नेतृत्व गरिएको उक्त समूह सुरुदेखि नै पार्टी अनुशासन अस्वीकार गर्ने, एकतामा भाँजो हाल्ने तथा कथित नोट अफ डिसेन्टका नाममा पार्टी नेतृत्वलाई हरेक पलमा असहयोग गर्दै आएको थियो । अन्त्यमा २०६९ साल असार ५ गतेको कथित राष्ट्यि भेलाले नयाँ पार्टी गठनका नाममा  पार्टी एकता र नेपाली जनता तथा क्रान्तिका लागि गद्दारी गर्दै अलग समूह निर्माण गर्न पुगेको छ । उक्त समूहको यस निर्णयले नेपाली मुक्तिकामी जनता र  क्रान्तिकारीहरुलाई निराश तुल्याएको छ भने देश विदेशका प्रतिक्रियावादी , संशोधनवादी तथा अवसरवादीहरुलाई खुसी पारेको छ । पार्टी एकताका लागि  संस्थापनले देखाएको लचिलोपनलाई समेत लत्याएर गरिएको यो काम निन्दनीय त छँदैछ यसले नेपाली क्रान्ति र मुक्तिको सपनालाई पनि पर धकेल्न काम गरेको छ । अखिल नेपाल लेखक सङघ यस कामको निन्दा गर्दछ र पार्टी एकताका लागि गोलबन्द भई अघि बढ्न सम्पूर्ण  क्रान्तिकारी लेखक तथा बौद्धिक वर्गमा अनुरोध गर्दछ । फुट र अराजकतावादी गतिविधिका भ्रममा नपरी नेपाली प्रगतिवादी बौद्धिक विचारधारा र एकताको निर्माण गरेर मात्र क्रान्तिका बाँकी कार्यभार पुरा हुने कुरा मनन् गर्न समेत सबैमा अपिल गर्दछ ।
 नेपालको कम्युनिस्ट आन्दोलन आज  अत्यन्त जटिल अवस्थामा छ । कथित क्रान्तिकारी नारा दिने तर राष्ट्यि र अन्तरराष्ट्यि परिस्थितिको ख्याल नगर्नु वाम लपm्फजी बाहेक केही होइन भने आज क. किरणले नेतृत्व गरेको समूह यही वाम अराजकतावादमा फँसेको छ । फुटलाई रोजेर वाम आन्दोलन तथा प्रगतिवादी सांस्कृतिक आन्दोलनलाई समेत विखण्डित पार्ने काम हाम्रा लागि स्वीकार्य छैन भने हाम्रो आस्था र भरोसा पनि एकीकृत माओवादीमा रहेको छ र यसले नै नेपालको क्रान्तिकारी आन्दोलनको नेतृत्व गर्न सक्छ भन्ने कुरामा हाम्रो अटुट विश्वास समेत छ । यस्तो अवस्थामा फुटवाद र गुटवादमा लागेका हाम्रा केही मित्रहरु भ्रमवश गुटवाद र फुटवादको भ्रमजालमा अल्मलन पुग्नुभएको छ । यस अवसरमा ती मित्रहरुलाई पनि सिंगो लेसक संघमा आबद्ध हुन अपिल गर्दछौँ । लेखकहरुको ठूलो सङ्ख्या एकताको लागि समर्पित छ भने केही मित्रहरु मात्र फुटतिर लागि भ्रमको खेती गरि रहनु भएको छ। बहुमत सदस्य र अधिकांश केन्द्रीय सदस्य एकताका लागि कार्यरत हुनु हुन्छ लेखक साहित्यकारलाई भ्रम दिएर फुट र गुटको खेती गर्नेहरुका विरोधमा पनि हुनु हुन्छ । त्यसैले फुटवाद र गुटवादको विरोध गर्दै लेखकहरुको एकढिक्का एकता कायम गरौँ र नेपाली प्रगतिवादी साहित्यिक आन्दोलनलाई अघि बढाउने कार्यमा समर्पित हुने सहिदहरु  कृष्णसेन इच्छुक, घनश्याम ढकाल, चुनु गुरुङ लगायतले देखाएको बाटोमा दृढतापूर्वक अघि बढौँ । क्रान्ति लहड वा आवेगको विषय नभएर आवश्यकताको विषय हो । जनताको मुक्तिको अभियान सकिएको छैन । पार्टीलाई सिध्याएर होइन बचाएर नै यो काम पूरा गर्न सकिने भएकाले सम्पूर्ण स्रष्टाहरुलाई पार्टीका विचार र आस्थामा दृढतापूर्वक उभिन  हार्दिक अनुरोध गर्दछौँ ।

                                                                                          रमेश प्रसाद भट्टराई
                                                                                          कार्यवाहक अध्यक्ष
                                           अखिल नेपाल लेखक संघ

====================================================================

====================================================================

अखिल नेपाल लेखक सङ्घको परिपत्र ०६७ पुस २४

केन्द्रीय समिति

श्री.................................।                                              
.......................................

विषयः– परिपत्र गरिएको बारे ।

अखिल नेपाल लेखक सङ्घ केन्द्रीय समितिको पदाधिकारीहरुको बैठक यही ०६७ पुस २३ गतेका दिन सङ्घका अध्यक्ष घनश्याम ढकालको अध्यक्षतामा बस्यो । उक्त बैठकले लिएका महत्वपूर्ण निर्णयहरूको जानकारी एवम् कार्यान्वयनका लागि यो परिपत्र जारी गरिएको छ ।

१) जनयुद्ध र जनआन्दोलनका महान् सहिदहरूप्रति एक मिनेट मौनधारण गरी श्रद्धाञ्जली अर्पण गरियो ।

२) सङ्घको राष्ट्रिय सम्मेलन यही माघ १५ र १६ मा गर्ने तयारी भएकोमा देशको राजनीतिक घटनाक्रमलाई मध्यनजरगरी पार्टी केन्द्रले आगामी जेठ मसान्तसम्मका लागि स्थगित गर्न निर्देशन दिएकाले अर्को सूचना नआएसम्मका लागि सम्मेलनका सबै कार्यक्रम स्थगित गरिएको छ ।

३) आन्दोलनलाई सहयोग पुग्नेगरी राज्यस्तरमा समसामयिक विषयमा विचार गोष्ठी तथा विधागत प्रशिक्षणहरु सन्चालन गर्ने ।

४) केन्द्रीय समितिबाट थालिएका अन्य कामहरुलाई निरन्तरता दिने ।

५) सङ्गठन सुद्रिढिकरण र विस्तार गर्ने ।

क्रान्तिकारी अभिवादन सहित

घनश्याम ढकाल

अध्यक्ष

अखिल नेपाल लेखक सङ्घ

केन्द्रीय समिति

==================================================================

==================================================================

अखिल नेपाल लेखक सङ्घको परिपत्र  ०६७ मङ्सिर २७

अखिल नेपाल लेखक सङ्घ
केन्द्रीय समिति

विषय :- परिपत्र

अध्यक्ष :- संयोजक,

... ... ... ... ... राज्य समिति ।

यही मङ्सिर २५ गतेका दिन अखिल नेपाल लेखक सङ्घको पूर्ण बैठक सङ्घका अध्यक्ष घनश्याम ढकालको अध्यक्षता र एकीकृत नेकपा माओवादीका पिविएम क.निनु चापागार्इं, महासङ्घ अध्यक्ष ईश्वरचन्द्र ज्ञवाली को विशेष उपस्थितिमा बसी निम्न निर्णय लिएको छ । जानकारी एवम् दृढतापूर्वक क्रियान्वयनका लागि यो परिपत्र जारी गरिएको छ ।

१. सर्वप्रथम बैठक आरम्भपश्चात् महान् सहिदहरूप्रति भावपूर्ण श्रद्धाञ्जली अर्पण गरियो ।

२. बैठकमा महासचिव हिरामणि दुःखीले एजेण्डा प्रस्तुत गरेपछि बैठकलाई रिपोर्टिङको क्रमबाट अघि बढाइयो । रिपोर्टमा राज्य र जिल्लाहरूमा साहित्यिक गतिविधि सन्तोषजनक रहेको, कतिपय जिल्ला र राज्यमा पार्टी कमिटिसँग तालमेल मिलाउन अप्ठ्यारो भएको, आङ्गिक सङ्गठन र जबसहरू सापेक्षित स्वायत्त हुन नपाउँदा काम गर्न गाह«ो भएको निश्कर्ष रह्यो । तथापि पार्टीले सञ्चालन गरेका आन्दोलनहरूमा उल्लेख्य भूमिका निर्वाह गरेको, देशव्यापी सङ्गठनको आधार राम्रो बनेको निश्कर्ष रह्यो ।

३. यस अघि सङ्घको कार्यालय तथा सचिवालयबाट गरिएका सबै निर्णयहरूलाई अनुमोदन गरियो ।

४. सङ्घको कार्यकाल समाप्त भएको र बदलिँदो राजनीतिक परिवेशका सन्दर्भमा सङ्गठनलाई अझ व्यवस्थित, सङ्गठित र सङ्घर्षशील बनाउनुपर्ने आवश्यकता अनुरूप दोस्रो राष्ट्रिय सम्मेलन गर्ने निर्णय गरियो । साथै यो केन्द्रीय समिति यथावत् रूपमा दोस्रो राष्ट्रिय सम्मेलन आयोजक समितिमा बदल्ने निर्णय गरियो ।

५. सम्मेलनका कार्यक्रम निम्नानुसार रहेका छन् ।

क) सम्मेलन आगामी माग १५ र १६ गते काठमाडौंमा गर्ने ।

ख) राज्य र जिल्ला सम्मेलनहरू आवश्यक भएका क्षेत्रमा पुस महिनाभरि गरिसक्ने । अन्य ठाउँमा बैठक बसी सम्मेलनको कार्यक्रम अघि बढाउने ।

ग) सम्मेलनको नारा ः

राष्ट्रिय स्वाधीनता र नयाँ जनवादी संस्कृति निर्माणको लागि हाम्रो आन्दोलन !

जनताको न्यायपूर्ण विद्रोहको पक्षमा दोस्रो राष्ट्रिय सम्मेलन !!

घ) प्रतिनिधित्व

ष्। राज्यसमिति सदस्यहरू सबै,

ष्ष्। जिल्ला समिति भएका स्थानमा जिल्ला अध्यक्ष र सचिव वा संयोजकसहित सम्पूर्ण सदस्य सङ्ख्याको एकचौथाई प्रतिनिधि रहने । त्यसो गर्दा जिल्लामा सदस्यता वितरणको स्पष्ट बिबरण पेश गर्नुपर्नेछ ।

ष्ष्ष्। सम्मेलन प्रवेश शुल्क प्रति व्यक्ति रु.१५०÷–

ष्ख। नविकरण शुल्क रु.७५ र सदस्यता शुल्क विधान बमोजिम रहनेछ ।

सम्मेलनमा बस्ने, खाने व्यवस्था प्रतिनिधि स्वयम्ले गर्नुपर्नेछ ।

ङ) विभिन्न समितिहरू

ष्। प्रतिवेदन तथा विधान मस्यौदा समिति

संयोजक– घनश्याम ढकाल

सदस्यहरू– जगदीशचन्द्र भण्डारी, आर.पि. तिमिल्सिना, रमेश भट्टराई, हिरामणि दुःखी, भोगीराम चापालिङ ।

ष्ष्। व्यवस्थपन समिति

संयोजक– हिरामणि दुःखी

सदस्य ः खेम थपलिया, केशव सिलवाल, मित्रलाल पंज्ञनी, तिलक चामलिङ, मनोहर लामिछाने ।

ष्ष्ष्। आर्थिक समिति

संयोजक ः रमेशप्रसाद भट्टराई

सदस्य ः मनोहर लामिछाने, प्रभात साप्कोटा, विन्दा मैनाली, विष्णु भण्डारी, तेजविलास अधिकारी, सीता शर्मा, आर.सी. न्यौपाने, सत्य पहाडी, छायादत्त न्यौपाने ।

ष्ख। प्रचारप्रसार समिति

संयोजक ः भोगीराज चामलिङ

सदस्य ः खेम थपलिया, अशोक सुवेदी, राजकुमार कुँवर, धीरेन्द्र पे्रमार्षी, सङ्गीत श्रोता

ख। आर्थिक प्रस्तावमा, पदाधिकारीहरूले न्यूनतम ५–५ हजार चन्दा उठाउनु पर्नेछ भने प्रत्येक केन्द्रीय सदस्यहरूले न्यूनतम २ हजार चन्दा उठाउनु पर्नेछ ।

खष्। वितरण गरिएका सदस्यता तथा सहयोग रसीदको अर्धकट्टी सम्मेलन अगावै केन्द्रीय कार्यालयमा हिसाबसहित केन्द्रीय सदस्यहरूले बुझाउनु पर्नेछ । साथै सदस्यता र सहयोगबाट उठेको रकमको ६० प्रतिशत केन्द्रमा बुझाउनु पर्नेछ ।

अन्तमा, भावी जनविद्रोहको वातावरण निर्माण गर्न लेखक एवम् साहित्यकर्मीहरूले महत्वपूर्ण भूमिका निर्वाह गर्न अग्रपङक्तिमा रहने प्रतिबद्धतासहित बैठक समापन गरियो ।

क्रान्तिकारी अभिवादनसहित
०६७ मङ्सिर २७
हिरामणि दुःखी
महासचिव